-
-
-
-
काठमाडौं । इंगलिस प्रिमियर लिग फुटबलमा चेल्सीले शिर्ष चारमा रहेरै लिग सकाउने पारा ल्याएको छ । डिफेन्डिङ च्याम्पियन चेल्सीले आइतबार रातिको खेलमा लिभरपुललाई १– ० ले हराएपछि शिर्ष चारमा रहेर लिग सकाउने लक्षण देखिएको हो ।
आफ्नै मैदान स्टामफोर्ड ब्रिजमा चेल्सीलाई विजयी गराउन ३२ औं मिनेटमा ओलिभर जिरुले निर्णायक गोल गरे।
खेलमा रेफ्रीले पाँच वटा पहेंलो कार्ड देखाए पनि कुनै असर गरेन ।
जितपछि लिगमा ३६ खेलबाट चेल्सीको ६९ अंक भएको छ । २ अंक बढी जोडेको टोटनह्याम हट्सपर ७१ अंकसहित चौथो स्थानमा रहेको छ ।
एक खेल बढी खेलेको लिभरपुलको ७२ अंक छ ।
३६ खेलबाट ७७ अंकको म्यान्चेस्टर युनाइटेड दोस्रो स्थानमै रहेर लिग सकाउने पक्का छ भने आइतबार हडर्सफिल्ड टाउनसंग गोलरहित बराबरीमा रोकिए पनि लिग च्याम्पियन म्यान्चेस्टर सिटीलाई कुनै असर परेन ।
यता, बर्नलेमाथि ५–० को जित निकालेपछि ६० अंकको आर्सनलले छैटौं स्थानमा रहेर लिग सकाउने पक्का भएको छ ।
५४ अंकको बर्नले सातौंमै समेटिएको छ ।
रोमाञ्चक भिडन्त अब तेस्रो, चौथो र पाँचौंका लागि हुनेछ ।
