काठमाडौं । इंगलिस प्रिमियर लिग फुटबलमा म्यान्चेस्टर सिटी उपाधि नजिक पुगेको छ । सिटीले ३१ औं खेलमा एभर्टनलाई ३–१ ले हरायो ।
लेरोए साने, गाब्रियल जिसस र रहिम स्टर्लिङले सिटीलाई १–१ गोल दिलाए । एभर्टनका बोलासेले सान्त्वना गोल फर्काए ।
त्यस्तै म्यान्चेस्टर युनाइटेडले स्वान्सी सिटीलाई २–० ले हरायो । रोमेलु लुकाकु र एलेक्सिज सान्चेजले १–१ गोल गरे ।
त्यस्तै लिभरपुलले क्रिस्टल प्यालेसलाई २–१ ले हरायो । लेस्टरले ब्राइटनलाई २–० ले, न्युकासलले हडल्सफिल्डलाई १–० ले, बर्नलेले वेष्टब्रोमलाई २–१ ले र वेष्टह्यामले साउथह्याम्पटनलाई ३–० ले हरायो । वाटफोर्ड र बर्नमाउथले २–२ को बराबरी खेले ।
लिगमा ८४ अंकबाट म्यान्चेस्टर सिटी पहिलो, ६८ अंकबाट म्यान्चेस्टर युनाइटेड दोस्रा र ६६ अंकबाट लिभरपुल तेस्रो स्थानमा छ ।
१६ अंकको अग्रता लिएको सिटीले अब केवल दुई खेल जिते उपाधि पक्का हुनेछ ।
