-
-
-
-
काठमाडौं । म्यान्चेस्टर सिटी इंगलिस लिग कप फुटबल अर्गात् इएफएल कप वा काराबाओ कप फुटबल प्रतियोगिताको फाइनलमा प्रवेश गरेको छ ।
सेमिफाइनलमा ब्रिस्टोल सिटीलाई पराजित गर्दैै सिटीले फाइनलमा स्थान पक्का गरेको हो ।
पहिलो लेगमा २–१ ले विजयी भएको म्यान्चेस्टर सिटी दोस्रो लेगमा ३–२ ले विजयी भयो ।
सिटीलाई विजयी गराउन लेरोए साने, केभिन डे ब्रायन र सर्जियो अगुएरोले १–१ गोल गरे ।
ब्रिस्टोलका लागि मार्लन प्याक र एडन फ्लीन्टले दुई गोल फर्काए ।
म्यान्चेस्टर सिटीले एग्रिगेशनमा खेल ५–३ ले आफ्नो पक्षमा पारेको हो ।
म्यान्चेस्टरले अब उपाधिका लागि चेल्सी र आर्सनलमध्ये एक टोलीसँग खेल्नेछ ।
पहिलो लेगमा गोलरहित बराबरी खेलेका चेल्सी र आर्सनलबीचको सेमिफाइनलको दोस्रो लेगको खेल बुधबार राति १ः४५ बजे हुँदैछ ।
