रोल्पामा सिंचाई राज्यमन्त्रीलाई निशाना बनाएर बम प्रहार
प्रकाशित २०७४ कार्तिक ३० बिहिबार
565
Shares
काठमाडौं । रोल्पामा सिंचाई राज्यमन्त्री अमरसिंह पुन चढेको गाडीलाई लक्षित गरी बम प्रहर भएको छ । जिल्ला प्रहरी कार्यालय रोल्पाले दिएको जानकारी अनुसार अमर सिंह पुन चढेको गाडीमाथि बम प्रहार स्वर्णवती गाउँपालिका १ मा उनी माथि लक्षिग गरी बम प्रहार गरिएको हो ।
यद्यपी उनी र उनको गाडीमा कुनै क्षति नपुगेको जिल्ला प्रहरी कार्यालय रोल्पाका डिएरपी ज्ञानेन्द्र फुँयालले जानकारी दिए । मन्त्री पुन चुनावी सभालाई सम्बोधन गर्न जाने कार्यक्रम थियो । बम कसले फाल्यो भन्नेबारे अनुसन्धान भईरहेको प्रहरीले जनाएको छ ।
पुन प्रतिनिधि सभा सदस्य निर्वाचनको लागि नेपाली काँग्रेसको तर्फबाट उम्मेदवार हुन् ।
