-
-
-
-
काठमाडौं । स्थानीय तहको तेस्रो चरणको निर्वाचनका लागि २ नं प्रदेशमा राष्ट्रिय जनता पार्टीले आफ्ना उम्मेदवारहरुको नाम टुङ्ग्याएको छ । कूल ८ जिल्ला भित्रका स्थानीय तह मध्ये राजपाले कूल ११४ वटा स्थानीय तहको प्रमुखका उम्मेदवार छानिसकिएको राजपाले जनाएको छ । टुंगो नलागेका स्थानीय तहमा पनि मंगलबार रातीसम्म उम्मेदवारको टुंगो लगाउने राजपाले जनाएको छ ।
अहिले राजपाले विभिन्न जिल्लाका पाँच स्थानीय तहमा मात्रै उम्मेदवार टुंगोमा पुर्यनउन बाँकी रहेको छ । उम्मेदवार छनोट गर्न बाँकी रहेका स्थानीय तहहरुमा परोहा नगरपालिका, हरिवन नगरपालिका, हंसपुर नगरपालिका, कमला नगरपालिका, गणेशमान चारनाथ नगरपालिकाको प्रमुखको नाम छनोट भएको छैन ।
त्यस्तै, उपप्रमुखको मात्रै उम्मेदवार तय नभएकास्थानीय तहहरुमा बेल्ही चपेना गाउँपालिका, स्वयम्भु नाथ नगरपालिका, सिरहा नगरपालिका, अनर्मा गाउँपालिका, नरहा गाउँपालिका, नवराजपुर गाउँपालिका, मटिहानी नगरपालिका, बलवा नगरपालिका, औरही नगरपालिका, मनरा सिसवा नगरपालिका, एकडारा गाउँपालिका, सोनमा गाउँपालिका, पिपरा गाउँपालिका, सम्सी गाउँपालिका, कविलासी नगरपालिका, गोडैता नगरपालिका, बलरा नगरपालिका, बिष्णु गाउँपालिका, कौडेना गाउँपालिका, ब्रह्मपुरी गाउँपालिका, बसबरिया गाउँपालिका, राजदेवी नगरपालिका, राजपुर नगरपालिका, इशानाथ नगरपालिका, बौद्धीमाई नगरपालिका, मौलापुर नगरपालिका, बृन्दावन नगरपालिका, गढीमाई नगरपालिका, गुजरा नगरपालिका, फतुवा विजयपुर नगरपालिका, परवानीपुर गाउँपालिका, आर्दश कोतवाल गाउँपालिका, विश्रामपुर गाउँपालिका, देवताल गाउँपालिका, सखुवा प्रसौनी गाउँपालिका र बीरगंज महानगरपालिका रहेका छन् ।
