-
-
-
-
म्युनिख । अन्तर्राष्ट्रिय अडी कप फुटबल प्रतियोगिताको उपाधि स्पेनिस क्लव एथलेटिको मड्रिडले जितेको छ ।
फाइनलमा इंगलिश क्लव लिभरपुललाई पेनाल्टी सुटआउटमा हराउँदै एथलेटिकोले उपाधि जितेको हो ।
निर्धारित ९० मिनेटको खेलमा १–१ को बराबरी भएको थियो । ३३ औं मिनेटमा केइदि बारेले गोल गर्दै एथलेटिकोलाई अग्रता दिलाए ।
८३ औं मिनेटमा राबर्टो फर्मिनोले लिभरपुललाई पेनाल्टीमा गोल गर्दै बराबरी दिलाए ।
पेनाल्टीमा एथलेटिकोले ५–४ ले खेल जित्यो । हेन्डरसनले बाहेक सबैले पेनाल्टीमा गोल गरेका थिए ।
यता, बायर्न म्युनिखले दोस्रो खेलमा पनि पराजय भोगेको छ । बायर्न एसएससी नापोलीसंग २–० ले पराजित भएको हो ।
