दोस्रो चरणको स्थानीय निर्वाचनः ताप्लेजुङमा काँग्रेसले खाता खोल्यो
प्रकाशित २०७४ असार ६ मंगलबार
116
Shares
ताप्लेजुङ । स्थानीय तहको दोस्रो चरणको निर्वाचनमा नेपाली काँग्रेसले पूर्वमा खाता खोलेको छ । सुदुरपुर्वी जिल्ला ताप्लेजुङबाट दोस्रो चरणको निर्वाचनमा नेपाली कांग्रेसले खाता खोलेको हो ।
जिल्लाको मिक्वाखोला गाउँपालिका वडा नं. ३ लिवाङको दलित महिला सदस्य पदमा लछिमाया विश्वकर्माको मात्र उम्मेद्धारी परेपछि निर्विरोध निर्वाचित भएकी हुन् ।
नेपाली कांग्रेसबाट लक्षिमायाको बाहेक अरु कसैको उम्मेदवारी नपरेको मुख्य निर्वाचन अधिकृत अशोककुमार बस्नेतले जानकारी दिए ।
बस्नेतले भने, ‘उहाँ बाहेक अरु कसैको पनि उम्मेदवारी परेन र दाबी विरोध पनि परेन ।’
लक्षिमाया जिल्लाको पहिलो निर्वाचित जनप्रतिनिधि बनेकी छिन् । उक्त वडामा कांग्रेस बाहेकका दलले दलित पहिला उम्मेद्धार नपाएपछि कांग्रेस निर्विरोध भएको हो ।
