काठमाडौं । प्रधानमन्त्री निर्वाचनमा सहयोग गर्न भन्दै काँग्रेस सभापति शेरबहादुर देउवा ओली निवास बालकोट पुगेका छन् ।
एमालेले प्रधानमन्त्रीमा उम्मेदवारी नदिएपछि देउवा ओलीलाई सहयोग गर्न भन्दै बालकोट पुगेका हुन् । देउवाको साथमा गृहमन्त्री विमलेन्द्र निधि लगायतका नेताहरु बालकाेट पुगे ।
सभापति देउवाले निर्वाचन आयोगको निर्णयलाई लिएर आइतबार संसद अवरोध नगर्न आग्रह गरेको नेताहरुले बताएका छन् ।
शनिबार निर्वाचन आयोगले चितवनको भरतपुर महानगरपालिका १९ मा पुनःमतदान गर्नुपर्ने निर्णय गरेपछि एमाले आक्रोशमा आएको छ । एमाले स्थायी समिति बैठकले सदन चल्न नदिने निर्णय गरेपछि देउवा ओली फकाउन बालकोट पुगेका हुन् ।
