सहिद बुबाको सपना पूरा गर्न छोरीले दिइन् काँग्रेसबाट उम्मेदवारी
प्रकाशित २०७४ जेठ १८ बिहिबार
130
Shares
रामपुर (पाल्पा)। प्रजातन्त्र स्थापनाका लागि जनआन्दोलनमा होमिदा सेनाको गोली लागेर २०४६ साल फागुन १६ गते सूर्यप्रसाद घिमिरेको मृत्युवरण भयो ।
देश र जनताका लागि लड्दै गर्दा अल्पायुमै सहिद बनेका घिमिरेको सपना पूरा गर्न उहाँकै छोरी विष्णुदेवी घिमिरे आचार्यले नेपाली काँग्रेसको तर्फबाट नगरपालिकाको उपप्रमुख पदमा उम्मेदवारी दिएकी छन् ।
सहिदको सपना पूरा गर्ने अठोटका साथ निर्वाचनमा होमिनुभएकी उहाँको उम्मेदवारी पार्टीले सार्वजनिक गरेपछि स्थानीय तहको निर्वाचनलाई आमनगरवासीले चासोका रुपमा लिन थालेका छन् ।
आफ्ना बाबुको देश र जनताप्रतिको बलिदानलाई पुनः ब्यूँताउन र इतिहासको पाना कोर्ने सङ्कल्पका साथ आफूले उम्मेदवारी दिएको उनले बताइन् ।
उपप्रमुख पदको उम्मेदवारका रुपमा निर्वाचनको माहोलमा निस्किएकी घिमिरेले रामपुर नगरपालिकामा सहिद सूर्यप्रसाद घिमिरेको सालिक र वृद्धाश्रम स्थापना, अपाङ्गका लागि आश्रमस्थल स्थापना गर्ने योजनालाई पहिलो प्राथमिकता राखेकी छन् ।
