बैतडीमा १५ सय चालक ट्राफिकको कारबाहीमा, १३ लाख राजस्व सङ्कलन
हाम्रा कुरा
प्रकाशित २०८३ साउन १० आइतबार
361
Shares
बैतडी। बैतडी ट्राफिक प्रहरीले गत आर्थिक वर्ष २०८२/८३ मा सवारी नियम उल्लङ्घन गर्ने एक हजार पाँच सय आठ जना सवारीचालकलाई कारबाही गर्दै १२ लाख ९८ हजार रुपैयाँ राजस्व सङ्कलन गरेको छ।
जिल्ला ट्राफिक प्रहरी कार्यालयका प्रवक्ता सूरज सिंहका अनुसार कारबाहीमा एक सय ७० ट्रक तथा ट्याङ्कर, १९ बस तथा मिनिबस, सात सय ५४ जीप, कार र भ्यान, ९१ ट्र्याक्टर, तीन सय ५१ मोटरसाइकल तथा एक सय २३ टेम्पो चालक परेका छन्।
प्रवक्ता सिंहका अनुसार गत आर्थिक वर्षमा बैतडीमा ६२ ओटा सवारी दुर्घटना भएका थिए। ती दुर्घटनामा ३४ जनाको मृत्यु भएको तथा एक सय ७६ जना घाइते भएको प्रहरीले जनाएको छ।
