काठमाडौँ । फिफा विश्वकप २०२६ को समूह चरणका खेलहरूले प्रतियोगितालाई शुरूआतमै विस्फोटक मोड दिएका छन्। अष्ट्रियादेखि अर्जेन्टिना, नर्वे हुँदै फ्रान्ससम्मका सबै टोलीले आ-आफ्नो शक्ति देखाउँदै विश्व फुटबलमा दबदबा जमाउने संकेत दिएका छन्।

समूह ‘जे’ को खेलमा अष्ट्रियाले जोर्डनमाथि ३-१ को जित निकाल्दै मजबुत शुरूआत गरेको छ। राउल स्मिडको गोलले अष्ट्रियालाई अघि बढायो भने दोस्रो हाफमा अलि ओल्वानले जोर्डनका लागि बराबरी फर्काएर खेललाई रोमाञ्चक बनाएका थिए। 

तर खेलको याजान अल अरबको आत्मघाती गोलले खेलको दिशा फेरियो। अन्त्यतिर मार्को आर्नाउतोभिचको पेनाल्टीले अष्ट्रियाको जित ३-१ मा टुङ्ग्यायो। जोर्डनले अवसर पाए पनि दबाबमा आत्मसमर्पण गर्नु नै हारको मुख्य कारण बन्यो।

यता, अर्जेन्टिनाले आफ्नो उपाधि रक्षा अभियानलाई धमाकेदार शुरूआत दिएको छ। अल्जेरियामाथि ३-० को जितमा कप्तान लियोनल मेसीले ह्याट्रिक गर्दै फेरि एक पटक विश्व फुटबलको केन्द्रमा आफ्नो नाम लेखाए। उनी अझै पनि खेलको सर्वोच्च शिखरमै छन्। अल्जेरियालाई केहीले “डार्क हर्स” भने पनि ठूला दबाबमा टिक्न सकेन।

नर्वेले पनि इराकमाथि ४-१ को सहज जित निकाल्दै आफ्नो आक्रमण क्षमता देखायो। आर्लिङ हालान्डको दुई गोलले खेलको दिशा तय गर्‍यो। 

पहिलो हाफमै खेल नियन्त्रणमा लिएको नर्वेले दोस्रो हाफमा थप दुई गोल थप्दै इराकलाई निरुत्तर बनायो। इराकले केही क्षण संघर्ष देखाए पनि समग्र खेलमा नर्वेको गति र शक्ति अगाडि कमजोर साबित भयो।

फ्रान्सले भने सेनेगलविरुद्ध ३-१ को जित निकाल्दै आफ्नो “च्याम्पियन मानसिकता” पुनः प्रमाणित गरेको छ। पहिलो हाफमा सेनेगलले दबाब बनाए पनि दोस्रो हाफमा केलियन एम्बाप्पेले खेलको स्वरूप नै परिवर्तन गरिदिए। 

दुई गोल र निर्णायक प्रदर्शनसहित उनले फ्रान्सलाई सहज जिततर्फ डोर्याए र विश्वकपमा आफ्नो गोल रेकर्डलाई थप मजबुत बनाए।

यस विश्वकपमा कुनै पनि टोलीलाई हल्का रूपमा लिन सकिँदैन। साथसाथै एउटा कटु सत्य पनि देखिएको छ, कमजोर मानसिकता भएका टोलीहरू ठूलो नाम अगाडि टिक्न सकेका छैनन्। आत्मघाती गोल, अन्तिम मिनेटको दबाब र स्टार खेलाडीहरूको निर्णायक क्षमताले नै नतिजा तय गरिरहेको छ।

विश्वकप शुरू भएसँगै फुटबलको यो महासंग्राम केवल खेल होइन, शक्ति, धैर्य र मानसिकताको कठोर परीक्षा बनेको छ।

यो रफ्तारमा को टिक्छ र कस्को इतिहास बन्छ भन्ने प्रश्न सबै खेल प्रेमीको मनमा उब्जिएको छ । तर १२ घण्टाभित्रै चम्मेका तीन स्ट्राइकरका कारण गोल्डेन बलमा दाबेदारी दिएका छन् ।