चुनावमा हारको कारण खोज्दै एमाले, समानुपातिक सांसदको नाम टुङ्गो लगाउन बैठक
हाम्रा कुरा
प्रकाशित २०८२ फागुन ३० शनिबार
2.7k
Shares
तस्बिर : फाइल
काठमाडौँ । हालै सम्पन्न निर्वाचनको समीक्षा एवं समानुपातिक सांसदको नाम टुङ्गो लगाउन आज नेकपा एमालेको केन्द्रीय सचिवालय बैठक बस्दैछ ।
दिउँसो १ः०० बजे भक्तपुरस्थित पार्टी अध्यक्ष केपी शर्मा ओलीको निवास गुण्डूमा बैठक राख्ने तयारी गरिएको एमाले केन्द्रीय कार्यालयका सचिव डा भीष्म अधिकारीले जानकारी दिए ।
उनका अनुसार बैठकमा समानुपातिकतर्फबाट निर्वाचित सांसदको नाम टुङ्गो लगाउने र निर्वाचनको समीक्षा गर्नेछ ।
निर्वाचन आयोगले आज प्रतिनिधि सभा सदस्य निर्वाचन अन्तर्गत समानुपातिक तर्फबाट निर्वाचन उम्मेदवारका नाम सिफारिस गर्न राजनीतिक दललाई समयसीमा तोकेको छ ।
अध्यक्ष ओली यतिबेला पितृशोकमा छन् । उनका पिताको शुक्रबार ९७ वर्षको उमेरमा निधन भएको हो ।
