दल र उम्मेद्वारले गरे निर्वाचन आचारसंहिता पालना गर्ने प्रतिज्ञा
हाम्रा कुरा
प्रकाशित २०८२ माघ १६ शुक्रबार
843
Shares
बाँके । तीन निर्वाचन क्षेत्र भएको बाँकेमा आचारसंहिता पालनासम्बन्धी बैठक सम्पन्न भएको छ । बैठक राजनीतिक दल र तिनका उम्मेद्वारसँग बिहीबार सम्पन्न भएको हो ।
प्रतिनिधिसभा निर्वाचन क्षेत्र नं २ ले आयोजना गरेको उक्त बैठमा सहभागी राजनीतिक दल र उम्मेद्वारले आचारसंहिता पालन गर्ने प्रतिबद्धता जनाएका छन् ।
त्यस अवसरमा बाँकेका मुख्य निर्वाचन अधिकृत दीपककुमार दाहालले निर्वाचन आचारसंहिता पालना गर्नु सबैको दायित्व भएको बताउँदै त्यसको उल्लङ्घन नहुनेमा राजनीतिक दलका साथै प्रत्यासीहरू सचेत रहनुपर्नेमा जोड दिए ।
प्रमुख जिल्ला अधिकारी दिलकुमार तामाङले निर्वाचन आचारसंहिता पालना भए नभएको कडाइका साथ अनुगमन गरिने बताए ।
बैठकमा नेपाली कांग्रेस, नेकपा एमाले, नेपाल मजदुर किसान पार्टी, राष्ट्रिय जनमोर्चा, राष्ट्रिय स्वतन्त्र पार्टी, उज्यालो नेपाल पार्टीका प्रतिनिधि सहभागी थिए ।
