काठमाडौँ । साहित्य र समाजसेवामा समर्पित संस्था नेपाली शिक्षा परिषद्को साधारण सभा सम्पन्न भएको छ ।
सभाले परिषद्का सदस्यसचिव लक्ष्मण थापाद्वारा प्रस्तुत प्रगति प्रतिवेदन र कोषाध्यक्ष शंकरप्रसाद पाण्डेद्वारा प्रस्तुत आर्थिक प्रतिवेदनलाई पारित गरेको छ ।
परिषद्की अध्यक्ष साहित्यकार रमा शर्माले परिषद्ले गर्दै आएका कामहरूबारे जानकारी गराउँदै आजको समयमा सबैको साथ सहयोग आवश्यक रहेको बताइन् ।
वि.सं. २००८ सालमा स्थापित परिषद्ले ७५ वर्ष पुगेकोमा यस वर्ष हीरक महोत्सव मनाउने घोषणा गरेको छ । उक्त अवसरमा विभिन्न कार्यक्रमहरू गरिने अध्यक्ष शर्माले जानकारी दिइन् ।
