-
-
-
-
काठमाडौँ । पाकिस्तानको पूर्वी पञ्जाव प्रान्तमा एक मिनी ट्रक दुर्घटना हुँदा कम्तीमा १४ जनाको मृत्यु भएको छ ।
सो दुर्घटनामा अन्य धेरै घाइते भएका छन् ।
उद्धार अधिकारीहरूकाअनुसार बाक्लो कुहिरोका कारण कम दृश्यात्मकता हुँदा सो दुर्घटना भएको हो ।
पञ्जावको सरगोधा जिल्लामा भएको यस दुर्घटनामा ट्रक सडकबाट चिप्लिएर सुक्खा नहरमा खसेको रेस्क्यु ११२२ ले जारी गरेको विज्ञप्तिमा उल्लेख छ ।
दुर्घटनास्थलमै सात जनाको मृत्यु भएको थियो भने घाइतेहरूलाई तत्काल नजिकैका अस्पतालहरूमा लगिएको थियो ।
उपचारका क्रममा थप सात जनाको मृत्यु भएपछि कुल मृतकको संख्या १४ पुगेको छ ।
