-
-
-
-
काठमाडौँ । नेपाली बजारमा साताको अन्तिम दिन शुक्रबार सुनको भाउ बढ्दा चाँदीको भने घटेको छ ।
शुक्रबार सुनको भाउ तोलामा दुई हजार एक सय बढ्दा चाँदीको ५५ रुपैयाँ घटेको नेपाल सुनचाँदी रत्न तथा आभूषण महासंघले जनाएको छ ।
मूल्य बढेसँगै शुक्रबार छापावाला सुनको भाउ प्रतितोला दुई लाख ६७ हजार आठ सय रुपैयाँ कायम भएको महासंघले जनाएको छ ।
सुनको भाउ बिहीबार प्रतितोला दुई लाख ६५ हजार सात सय रुपैयाँ रहेको थियो ।
सुनको भाउ हालसम्मकै उच्च पुस १३ मा प्रतितोला दुई लाख ७० हजार छ सय रुपैयाँ पुगेको थियो ।
यता, बिहीबार प्रतितोला चार हजार आठ सय ३५ रुपैयाँमा कारोबार भएको असली चाँदी शुक्रबार चार हजार सात सय ८० रुपैयाँमा कारोबार भइरहेको महासंघले जनाएको छ ।
चाँदीको भाउ हालसम्मकै उच्च पुस २३ मा प्रतितोला चार हजार नौ सय ३५ रुपैयाँ पुगेको छ ।
