एसिया कपमा श्रीलंकाविरुद्ध नेपाल ८२ रनमै रोकियो, सर्वाधिक रन अतिरिक्तमा
हाम्रा कुरा
प्रकाशित २०८२ मंसिर २७ शनिबार
717
Shares
काठमाडौँ । एसीसी पुरुष यू–१९ एसिया कप क्रिकेटमा अहिले नेपाल र श्रीलंकाबीच प्रतिस्पर्धा भइरहेको छ । संयुक्त अरब इमिरेट्स (यूएई) को द सेभेन्स रंगशाला दुबईमा जारी खेलमा नेपालले टस हारेर पहिले ब्याटिङ गर्दै कमजोर प्रदर्शन गरेको छ ।
नेपालले २८.५ ओभर खेलेर अलआउट हुँदै ८२ रनमात्रै बनायो । नेपालमा लागि सर्वाधिक रन अतिरिक्तका रुपमा मिलेको छ । १९ रन अतिरिक्त पाएको नेपालका लागि ब्याटबाट सबैभन्दा बढी सिब्रिन श्रेष्ठले १८ रन बनाए ।
सेथमिका सेनेभिरत्नेले ५ विकेट लिए ।
नेपालले आफ्नो दोस्रो खेल मङ्सिर २९ गते बंगलादेशसँग र तेस्रो खेल पुस २ गते अफगानिस्तानसँग खेल्नेछ ।
आठ टोली सहभागी रहेको यस प्रतियोगितामा समूह ‘ए’ मा भारत, पाकिस्तान, यूएई र मलेसिया तथा समूह ‘बी’ मा बङ्गलादेश, श्रीलङ्का, अफगानिस्तान र नेपाल रहेका छन् । उपाधिका लागि पुस ६ गते खेल हुनेछ।
नेपाली टोलीमा अशोक धामीको कप्तानीमा १५ सदस्य छन् । जसमा नीरजकुमार यादव, दिलशाद अलि, अभिषेक तिवारी, सिव्रिन श्रेष्ठ, साहिल पटेल, दयानन्द मण्डल, निश्चल छेत्री, आसिश लोहार, नितेस पटेल, चन्दन राम, रोशन विक, विपीन शर्मा, वंश छेत्री र युवराज खत्री रहेका छन् ।
नेपाल यसअघि छनोट चरणमा उपविजेता बन्दै एसिया कप खेल्न पाएको हो ।
