अमेरिकी इतिहासकै लामो 'सटडाउन' अन्त्य: संसदद्वारा अस्थायी खर्च प्याकेज बहुमतले पारित
हाम्रा कुरा
प्रकाशित २०८२ कार्तिक २७ बिहिबार
2k
Shares
काठमाडौँ। अमेरिकी संसदको तल्लो सदन (हाउस अफ रेप्रिजेन्टेटिभ्स) ले बुधबार राति सिनेटद्वारा अनुमोदित अस्थायी खर्च प्याकेजलाई बहुमतले पारित गरेपछि अमेरिकी इतिहासकै सबैभन्दा लामो सरकारी बन्द (सटडाउन) को अन्त्य भएको छ। यो सटडाउनले ३५ दिनसम्म संघीय सरकारका धेरैजसो कार्यालयहरू ठप्प पारेको थियो।
यो गतिरोध कंग्रेसभित्र रिपब्लिकन र डेमोक्र्याटहरूबीचको तिब्र मतभेदका कारण उत्पन्न भएको थियो, जहाँ विशेष गरी सीमा सुरक्षा, आप्रवासन नीति र स्वास्थ्य सेवा बजेटलाई लिएर विवाद चुलिएको थियो। कंग्रेसले नयाँ वित्तीय वर्षको बजेट पारित गर्न असफल भएसँगै सरकारी बन्द गत अक्टोबर ९ तारिखबाट सुरु भएको थियो।
रिपब्लिकनहरूले मेक्सिको सीमामा पर्खाल निर्माणका लागि थप ५ अर्ब डलर माग गरेका थिए, जसलाई डेमोक्र्याटहरूले अस्वीकार गरे। राष्ट्रपति डोनाल्ड ट्रम्पले पनि यो मागलाई आफ्नो प्रमुख प्राथमिकताको रूपमा अघि सारेका थिए।
परिणामस्वरूप करिब ८ लाख संघीय कर्मचारीहरू तलबविहीन बने, राष्ट्रिय पार्कहरू बन्द भए, हवाई उड्डयन सुरक्षा प्रभावित भयो र अमेरिकी अर्थतन्त्रमा दैनिक १ अर्ब डलरभन्दा बढी क्षति भएको अनुमान गरिएको छ।
