युद्धविरामपछि पनि गाजा वा लेबनानमा आक्रमण गर्न इजरायलले कसैको अनुमति लिँदैन: नेतान्याहू
हाम्रा कुरा
प्रकाशित २०८२ कार्तिक १० सोमबार
2.7k
Shares
काठमाडौँ । इजरायली प्रधानमन्त्री बेन्जामिन नेतान्याहूले युद्धविरामका लागि सहमति जनाए पनि इजरायलले गाजा वा लेबनानमा आक्रमण गर्न कसैको अनुमति नलिने बताएका छन्।
साप्ताहिक सरकारी बैठकको सुरुमा मन्त्रीहरूसँग कुरा गर्दै नेतान्याहूले भने, "इजरायल एक स्वतन्त्र राष्ट्र हो। हामी आफ्नै सेनाका साथ आफ्नो रक्षा गर्नेछौँ र हामी हाम्रो भाग्यलाई नियन्त्रण गर्न जारी राख्नेछौँ। यसका लागि हामी कसैको स्वीकृति खोज्दैनौँ। हामी हाम्रो सुरक्षालाई मध्यनजर राखेर अघि बढ्छौँ।"
उनले गाजामा अन्तर्राष्ट्रिय शान्ति सेना तैनाथ गर्ने योजनालाई सङ्केत गर्दै कुन देशले त्यहाँ सेना तैनाथ गर्न सकिन्छ भनेर इजरायलले नै निर्णय गर्ने स्पष्ट पारे। नेतान्याहूले थपे, "हामीले यो स्पष्ट पारिसकेका छौँ, इजरायलले कुन सेना उसलाई अस्वीकार्य छ भनेर निर्धारण गर्नेछ र तदनुसार कार्य जारी राख्नेछ।"
गाजामा युद्धविरामलाई सुदृढ पार्ने उद्देश्यका साथ ह्वाइट हाउसका वरिष्ठ अधिकारीहरूको कुटनीतिक भ्रमणको एक हप्तापछि नेतान्याहूको यो टिप्पणी सार्वजनिक भएको हो।
