काठमाडौँ । जेन–जी प्रतिनिधिहरुसँग राष्ट्रपति रामचन्द्र पौडेलको छलफल अनिश्चित भएको छ । सोमबार राष्ट्रपति पौडेल र जेनजीहरुबीच हुने भनिएको वार्ता अनिश्चित भएको हो ।
शनिबारको वार्ता राष्ट्रपति पौडेलको स्वास्थ्यमा समस्या आएपछि रोकिएको थियो र आजका लागि सारिएको थियो ।
तर जेन–जी युवाहरुबीच नेतृत्वको विषयमा विवाद हुँदा वार्ता एवम् छलफल अनिश्चित बनेको छ ।
शनिबार सरकारले छानेका जेन–जी प्रतिनिधिहरुप्रति केही युवाहरु असन्तुष्ट भई नाराबाजी गरेका थिए ।
सरकारमा कसलाई पठाउने भन्नेबारे उनीहरुबीच विवाद टुंगिन सकेको छैन ।
प्रधानमन्त्री सुशीला कार्कीको सचिवालयका अनुसार जेन–जीहरु बीचको विवाद नमिल्दा छलफल आजका लागि स्थगित गरिएको छ ।
