केएमसीको स्वास्थ्य टोली काठमाडौँको दक्षिणढोकामा, सात सयको निःशुल्क परीक्षण
हाम्रा कुरा
प्रकाशित २०८२ असार १६ सोमबार
735
Shares
काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले काठमाडौँको दक्षिणढोकामा निःशुल्क स्वास्थ्य शिविर सञ्चालन गरेको छ ।
सेन्ट जोनेस स्कूलमा अभिभावक र विद्यार्थीहरुलाई गरिएको स्वास्थ्य शिविरमा ६ सय ७५ जनाको परीक्षण गरेको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए ।
शिविरमा १२३ जनाको ल्याब परीक्षण, ८९ जनाको भिडियो एक्सरे, ५१ जनाको ईसीजी गरिएको थियो ।
९ जनाको दाँत खोलिएको थियो भने २१ जनालाई थप उपचारका लागि केएमसीमा रेफर गरिएको छ ।
डा. शर्माले सम्हालेपछि केएमसी र नोबेलले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
