विमान दुर्घटनामा गुजरातका पूर्व मुख्यमन्त्री रुपाणीको मृत्यु
हाम्रा कुरा
प्रकाशित २०८२ जेठ २९ बिहिबार
1.7k
Shares
काठमाडौँ । भारतको अहमदाबादमा भएको एयर इन्डिया विमान दुर्घटना हुँदा विमानमा सवार गुजरातका पूर्व मुख्यमन्त्री विजय रुपाणीको मृत्यु भएको छ ।
उनको मृत्युको जानकारी सांसद परिमल नाथवानीले सामाजिक संजाल एक्समार्फत जानकारी दिएका हुन् । चालक दलका १२ सहित २४२ जना सवार अहमदाबादबाट बेलायतको लण्डन जाँदै गरेको विमान उडान भरेको दुई मिनेटमै दुर्घटनामा परेको थियो ।
जसमा १६९ भारतीय, ५३ बेलायती, ७ पोर्चुगाली र एक क्यानाडाका नागरिक थिए । मृतकको संख्या अझै खुलेको छैन ।
उक्त विमान अहमदाबादको नागरिक अस्पतालको आवासीय चिकित्सक रहने भवनमा ठोक्किएको थियो । १५ डाक्टर घाइते भएका छन् ।
