नयाँदिल्ली । पाकिस्तानमा रहेका आतंकवादीविरुद्ध भारतले थालेको अपरेशन सिन्दूरबारे जानकारी दिन भारतीय प्रतिनिधिमण्डल विश्व दौडाहामा रहेको छ । हालसम्म भारतबाट छ वटा प्रतिनिधिमण्डलहरू अपरेशन सिन्दूरको बारेमा जानकारी दिन र पाकिस्तानको बारेमा सत्य कुरा बताउन विश्वका विभिन्न देशहरूमा प्रस्थान गरिसकेका छन् । 

कांग्रेस सांसद शशि थरुरको नेतृत्वमा रहेको प्रतिनिधिमण्डल शनिबार बिहान दिल्लीबाट प्रस्थान गरेको छ। प्रतिनिधिमण्डलले संयुक्त राज्य अमेरिका, पानामा, गुयाना, ब्राजिल र कोलम्बियासहित पाँच देशको भ्रमण गर्नेछ ।

भाजपा सांसद बैजयन्त पाण्डाको नेतृत्वमा रहेको प्रतिनिधिमण्डल शनिबार बहराइन पुगेको छ। यसमा बीजेपी सांसद निशिकांत दुबे, फंग्नोन कोन्याक, रेखा शर्मा, असदुद्दीन ओवैसी, सतनाम सिंह सन्धु सांसद, गुलाम नबी आजाद र राजदूत हर्ष श्रृङ्ला सामेल छन् । 

त्यस्तै सांसद सुप्रिया सुलेले नेतृत्व गरेको प्रतिनिधिमण्डल पनि प्रस्थान गरेको छ । 

यसअघि ३ प्रतिनिधिमण्डल पहिले नै विदेश गइसकेका छन् । मे २१ मा अपरेशन सिन्दूरको बारेमा संसारलाई बताउन दुई प्रतिनिधिमण्डलहरू भारतबाट निस्केका थिए । जेडीयू सांसद संजय झाको नेतृत्वमा पहिलो प्रतिनिधिमण्डलले पाँच देशको भ्रमण गरेको थियो । यसमा जम्मा १७ सांसद उपस्थित छन् । प्रतिनिधिमण्डल जापान, दक्षिण कोरिया, सिंगापुर, इन्डोनेसिया र मलेसियाको भ्रमणमा छ।

२१ मेमै शिव सेना सांसद श्रीकान्त शिन्देको नेतृत्वमा दोस्रो प्रतिनिधिमण्डल राति ९ बजे यूएईसहित ४ देशको भ्रमण गर्न प्रस्थान गरेको थियो। यसमा जम्मा ८ जना सांसद उपस्थित छन् ।

२२ मेमा तेस्रो प्रतिनिधिमण्डल गएको थियो । डीएमके सांसद कनिमोझी करुणानिधिको नेतृत्वमा तेस्रो सर्वदलीय प्रतिनिधिमण्डल पाँच देशको भ्रमणको लागि प्रस्थान गर्यो। 

प्रतिनिधिमण्डलले रूस, स्लोभेनिया, ग्रीस, लाटभिया र स्पेनको भ्रमण गर्नेछ। यसले अन्तर्राष्ट्रिय मञ्चहरूमा आतंकवादविरुद्ध भारतको कडा नीति र पाकिस्तानको आतंकवाद समर्थक मनोवृत्तिलाई उजागर गर्नेछ ।