भारतले रोक्यो पाकिस्तान जाने चिनाब नदीको पानी, झेलम नदीको रोक्ने तयारी
हाम्रा कुरा
प्रकाशित २०८२ वैशाख २१ आइतबार
2.2k
Shares
काठमाडौँ । भारतले पाकिस्तानमा बग्ने चिनाब नदीको पानी रोकेको छ । भारतले सिन्धु जल सन्धि निलम्बन गरेसँगै चिनाब नदीको पानी रोकेको हो ।
समाचार एजेन्सी पीटीआईका अनुसार जम्मूको रामबनमा बनेको बागलिहार बाँधबाट चिनाब पानी रोकेको हो ।
कश्मीरमा किशनगंगा बाँधका माध्यमबाट झेलम नदीको पानी पनि रोक्ने तयारी भइरहेको पीटीआईले जनाएको छ ।
एआईएमआईएम प्रमुख असदुद्धिन ओवैसीले पहलगाममा आतंकवादी हमलामा २७ हिन्दूधर्मी मारिएपछि भारत सरकार कठोर बनेको बताएका छन् ।
उनले मृतकले न्याय पाउने बताएका छन् । उनले प्रधानमन्त्री नरेन्द्र मोदीले यस्तो कदम चाल्नेछन् कि पाकिस्तान भारतमा छिरेर कसैलाई मार्नुअघि सय पटक सोच्नेछ ।
यसैबीच, पंजाबको अमृतसर पुलिसले आइतबार २ जासुसलाई गिरफ्तार गरेको छ । पुलिसले दुवै सैन्य छावनी र एयरफोर्स बेसको सूचना र तस्बिर विदेश पठाउँदै थिए । दुवै पाकिस्तानी खुफिया एजेन्सी आईएसआईबाट सञ्चालित भएकोसमेत बताइएको छ ।
