हिमपहिरोमा हराएका चिनियाँ नागरिक १२ दिनपछि मृत फेला
हाम्रा कुरा
प्रकाशित २०८१ चैत २५ सोमबार
633
Shares
पोखरा । कास्कीको अन्नपूर्ण गाउँपालिका वडा नं ११ देउरालीस्थित चुम्रुङस्थित मादीनदी किनारमा चिनियाँ नागरिकको शव फेला परेको छ ।
यही चैत ११ गते हिमपहिरोमा परी २८ वर्षीय ई चेङ युवान सम्पर्कविहीन भएका थिए । उनको शव १२ दिनपछि फेला परेको हो ।
हिमपहिरो आएको दिनमा स्थानीय र नेपाल प्रहरीको टोलीले खोजी गर्दा फेला पार्न सकिएको थिएन । त्यसैदिनदेखि कालिका गणबाट प्रहरी सहायक निरीक्षक विश्वराज त्रिपाठीको कमाण्डमा विशेष विपद् उद्धार टोली खोजी कार्यको लागि खटिएको थियो ।
टोलीले निरन्तर रूपमा खोजी कार्य गर्दा शनिबार शनिबार उनको शव भेटिएको कालिका गणका गणपति एसपी सूर्यप्रसाद तिमिल्सेनाले जानकारी दिए ।
