पर्वत । पर्वतमा मंगलबार ट्र्याक्टर दुर्घटना हुँदा एक जनाको घटनास्थलमै ज्यान गएको छ भने चालक गम्भीर घाइते भएका छन् ।
मृत्यु हुनेमा जलजला गाउँपालिका वडा नं ५ गिद्धेश्वरका १५ वर्षीय रोशन परियार छन् ।
सोही दुर्घटनामा गम्भीर घाइते भएका चालक २० वर्षीय अनील रेग्मीको उपचारका लागि प्रदेश अस्पताल म्याग्दी पठाइएको जिल्ला प्रहरी कार्यालय पर्वतका प्रहरी निरीक्षक रामप्रसाद सापकोटाले जानकारी दिए ।
जलजला गाउँपालिका वडा नं ५ लेखफाँटमा ग१त २२६० नम्बरको ट्र्याक्टर सडकदेखि एक सय मिटर तल भिरमा खसेको प्रहरीले जनाएको छ ।
चालकले नियन्त्रण गुमाउँदा दुर्घटना भएको हुन सक्ने प्रहरीको अनुमान छ ।
