अदालतको आदेशले ५० वर्षपपछि स्कूले विद्यार्थीले पाउने भए मनपर्ने हेयरस्टाइल राख्न
हाम्रा कुरा
प्रकाशित २०८१ फागुन २४ शनिबार
2k
Shares
काठमाडौँ । थाइल्याण्डका स्कूले विद्यार्थीहरूले अब आफ्नो मनपर्ने हेयरस्टाइल राख्न सक्ने भएका छन् । थाइल्याण्डको सर्वोच्च प्रशासनिक अदालतको आदेश पछि स्कूले विद्यार्थीहरूले आफ्नो मनपर्ने हेयरस्टाइल राख्न पाउने भएका हुन् ।
अधिकारीहरूसँग धेरै वर्षको झगडापछि अदालतले यस्तो आदेश दिएको हो । अदालतले थाइल्याण्डको शिक्षा मन्त्रालयको ५० वर्ष पुरानो निर्देशन खारेज गरिदिएको छ ।
सन् १९७५ मा थाइल्याण्डमा स्कूले विद्यार्थीहरूका लागि केही नियमहरू तोकिएका थिए । यस अन्तर्गत केटाहरू र केटीहरूको लागि एक निश्चित कपालको शैली तय गरिएको थियो ।
यस नियम अनुसार, स्कूलहरूमा केटाहरूको लागि छोटो कपालको हेयरस्टाइल र केटीहरूको लागि बब कट हेयरस्टाइल राख्ने नियम थियो ।
समयसँगै, धेरै विद्यालयहरूलाई यो नियमबाट छुट दिइयो । तर, केही मानिसहरू अझै पनि यो नियमलाई दिशानिर्देशको रूपमा पालना गरिरहेका थिए । यो नियम पालना नगर्ने विद्यार्थीहरूको कपाल काटिने गरिएको थियो ।
अदालतले आफ्नो आदेशमा १९७५ को दिशानिर्देशले संविधानद्वारा संरक्षित प्रत्येक व्यक्तिको स्वतन्त्रताको उल्लङ्घन गर्दछ र आजको समाजसँग पनि मेल नखाने भनेको थाई मिडियाहरुले उल्लेख गरेका छन् ।
