काठमाडौँ । दक्षिण कोरियाका पूर्वराष्ट्रपति युन सुक–योलविरुद्ध पक्राउ पुर्जी जारी भएको छ । युनले देशमा लगाएको ‘मार्शल ल’का कारण यो पक्राउ पुर्जी जारी गरिएको हो ।
राजधानी सोको एक अदालतले उनीविरुद्ध पक्राउ पुर्जी जारी गरेको हो । पूर्वराष्ट्रपति युनले गत डिसेम्बर ३ मा देशमा मार्शल ल लगाएका थिए । तर चर्को विरोधपछि उनले ६ घण्टाभित्र आफ्नो निर्णय फिर्ता लिएका थिए ।
त्यसपछि उनीविरुद्ध महाभियोग प्रस्ताव ल्याई राष्ट्रपति पदबाट हटाइएको छ । उनीमाथि विद्रोह र देशद्रोहको आरोप लगाइएको छ ।
अनुसन्धानका क्रममा उनलाई पटक पटक बयानका लागि आउन बोलाइएको भए पनि उनले अस्वीकार गर्दै आएका छन् ।
