काठमाडौँ । यो संसारमा कसले के र कहिले पाउँछ, कसैलाई थाहा छैन। त्यसैले त भनिन्छ संसार अचम्मले भरिएको छ । यहाँ हरेक पल सस्पेन्स छ कि कसलाई के हुन्छ र कहिले हुन्छ कसलाई थाहा छैन ।
यस्तै कहिलेकाहिँ जीवनमा कतिपय घटना यस्तो हुन्छन् कि पत्याउनै गाह्रो हुन्छ । अमेरिकामा एक व्यक्तिसँग यस्तै भएको छ ।
उनी खासमा माछा मार्ने पेशामा आवद्ध छन् । उनको दैनिकी समुन्द्रमा माछा पक्रेर जान्छ, त्यहीँबाट उनको गुजारा चलिरहेको हुन्छ ।
हरेक दिन झैँ एक दिन उनी माछा मार्न गएका थिए । तर अचम्म त्यो दिन उनले माछाको सट्टा करोडौँ मूल्यको चिज पाए ।
हो, फ्लोरिडाका एक जना माछा मार्नेले माछा मार्ने क्रममा अर्कै कुरा समाए । वास्तवमा, माछा मार्ने जेम्स रूबिन्सनले जालमा माछाको सट्टा अर्को चीज समात्न सफल भएका थिए ।
उनको जालमा ५५ पाउण्डभन्दा बढी कोकिन थियो, जसको मूल्य १७ लाख डलर बढी रहेको बताइएको छ । ब्रेभार्ड काउन्टी नजिकै एट्लान्टिक महासागरमा तैरिरहेको २५ किलो कोकिन एक मछुवाराले भेटेका थिए ।
लागू औषधमा बिच्छीको संकेत थियो । माछा मार्नेले बुझे कि उसको हातमा लागुऔषध थियो र यसको बजार मूल्य करोडौँमा थियो। उनले तत्कालै प्रहरीलाई बुझाएका थिए ।
यसपछि प्रहरीले माछा मार्नेलाई उनको राम्रो कामको लागि प्रशंसा गर्यो। यो कोकिन कसैको डुङ्गाबाट ‘असावधानीवश’ समुन्द्रमा खसेको हुन सक्ने प्रहरीले जनाएको छ । उनले माछा मार्नेलाई पुरस्कार दिने कुरा गरेका छन् ।
प्रहरीले माछा मार्नेलाई धन्यवाद दिँदै उनले सही काम गरेको र लागू औषध फेला परेपछि आफ्नो एजेन्सीलाई सम्पर्क गरेको बताए । ती औषधिहरूमा बिच्छीको लोगो थियो र वाटरप्रुफ प्याकेटमा प्याक गरिएको थियो ।
यो कोकिन फेला परेपछि प्रहरीले यसको मालिकको खोजी तिब्र पारेको छ ।
