-
-
-
-
उदयपुर । उदयपुरमा खोलामा आएको बाढीले बगाउँदा शनिबार एक युवतीको ज्यान गएको छ ।
जिल्लाको रौतामाई गाउँपालिका वडा नं १ भएर बग्ने ओडारे खोलाको बाढीमा परी १६ वर्षीया हिसिला तामाङको मृत्यु भएको छ ।
खेतमा काम गरेर घर फर्कने क्रममा ओडारे खोलाले बगाउँदा तामाङको मृत्यु भएको जिल्ला प्रहरी कार्यालय उदयपुरले जनाएको छ ।
शनिबार साँझ अबेरसम्म हिसिला खेतबाट घर नफर्किएपछि परिवार र आफन्तले खोजीका क्रममा खोला किनारमा उनको शव फेला परेको प्रहरीले जनाएको छ ।
घटनाका सम्बन्धमा अनुसन्धान भइरहेको प्रहरीले जनाएको छ ।
