-
-
-
-
म्याग्दी । म्याग्दीमा जीप दुर्घटना हुँदा एक जनाको मृत्यु भएको छ । मृत्यु हुनेमा अन्नपूर्ण गाउँपालिका वडा नं. ७ टिकोटका ६४ वर्षीय भीमबहादुर पाइजा पुन छन् ।
दुर्घटनामा गम्भीर घाइते भएका पुनको बेनी अस्पतालमा उपचारका क्रममा मृत्यु भएको जिल्ला प्रहरी कार्यालय म्याग्दीले जनाएको छ ।
सोही दुर्घटनामा घाइते भएका ४१ वर्षीय कुमार पुनको उपचार भइरहेको प्रहरीले जनाएको छ ।
आज बिहान बेनी आउँदै गरेको ग१ज ७९४५ नम्बरको बोलेरो जिप अन्नपूर्ण गाउँपालिका वडा नं. ७ टिकोटमा दुर्घटनामा परेको जिल्ला प्रहरी कार्यालय म्याग्दीका सूचना अधिकारी राजन रायमाझीले जानकारी दिए ।
भिरालो सडकमा रोकिराखेको जीप चिप्लिएर पछाडि गुडेर भिरबाट करिब ५० मिटर तल खसेको छ । जीप चालक ३६ वर्षीय केशव पुनलाई नियन्त्रणमा लिइएको प्रहरीले जनाएको छ ।
