-
-
-
-
कैलाली । राष्ट्रिय फुटबल टिमका पूर्वखेलाडी एवं प्रशिक्षक लालबहादुर खड्काको ५९ वर्षको उमेरमा निधन भएको छ ।
धनगढीस्थित आफ्नै घरमा बिहान अचानक बेहोश भएपछि अस्पताल पुर्याइएका खड्काको उपचारका क्रममा निधन भएको हो ।
उनलाई मस्तिष्कघात भएको पारिवारिक स्रोतले जनाएको छ । उनी मधुमेह रोगबाट पीडित थिए ।
धनगढी क्षेत्रमा फुटबलको विकास र विस्तारमा नेतृत्वदायी योगदान दिएका खड्काले लामो समयसम्म सुदूरपश्चिम खेलकुद विकास समितिमा फुटबल प्रशिक्षकको भूमिका निर्वाह गरेका थिए ।
उनका श्रीमती, दुई छोरा र एक छोरी छन् ।
