सांसद शर्माको टोली सुकुम्बासी बस्तीमा, ५७२ बिरामीको उपचार
हाम्रा कुरा
प्रकाशित २०८१ जेठ २८ सोमबार
1.3k
Shares
काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले सुकुम्बासी बस्तीमा निःशुल्क स्वास्थ्य शिविर गरेको छ ।
लोयला सेकेन्डरी स्कूलको आयोजनामा विद्यालयको प्राङ्गणमा भएको स्वास्थ्य शिविरमा ५७२ बिरामीको निःशुल्क उपचार गरिएको केएमसीका प्रबन्धक नारायणप्रसाद दाहालले जानकारी दिए ।
बिरामीमध्ये ६५ जनाको ईसीजी, ७७ जनाको ल्याब परीक्षण र १०३ जनाको भिडियो एक्सरे गरिएको थियो ।
१७ जनाको दाँत खोलिएको थियो भने ३२ जना बिरामीलाई शल्यक्रियाका लागि रेफर गरिएको छ ।
डा. शर्माले सम्हालेपछि केएमसीले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
