- सुन चाँदी दर
- विनिमय दर
- नेपाली पात्रो
- राशिफल
काठमाडौँ। अध्यक्ष डा चन्द्रकान्त (सीके) राउतको जनमत पार्टीले तत्काल सरकार नछोड्ने भएको छ ।
आइतबार बसेको जनमत पार्टीको सचिवालय बैठकले तत्काल सङ्घीय सरकारबाट नबाहिरिने निर्णय गरेको हो ।
बैठकले सङ्घीय मन्त्रालयबाट मन्त्री फिर्ता नबोलाउने निर्णय गरेको छ ।
मधेस प्रदेश सरकारबाट बाहिरिएसँगै जनमत सङ्घीय सरकारबाट बाहिरिने हल्ला चलिरहेको बेला जनमत पार्टीको यस्तो निर्णय आएको हो ।
बैठकले जनताको कामलाई सशक्त रूपमा अगाडि बढाउने निर्णय गरेको सो पार्टीका प्रवक्ता डा शरद्सिंह यादवले जानकारी दिए ।
बैठकले आगामी जेठ १५ गते गणतन्त्र दिवसमा राजधानीमा बृहत् आमसभा गर्ने निर्णय पनि गरेको छ ।
प्रवक्ता यादवका अनुसार पार्टीको अबको कार्यदिशा कस्तो हुन्छ भन्नेबारे पार्टी अध्यक्ष सीके राउतले राजनीतिक प्रस्ताव प्रस्तुत गरेका छन्।