-
-
-
-
काठमाडौँ । भक्तपुरको ठिमीमा काठमाडौँ मेडिकल कलेज (केएमसी) ले निःशुल्क स्वास्थ्य शिविर सञ्चालन गरेको छ ।
भक्तपुर ठिमी नगरपालिका वडा नम्बर २ को आयोजनामा शहरी स्वास्थ्य केन्द्रमा भएको कार्यक्रममा ४३० बिरामीले उपचार गराएको केएमसीका प्रबन्धक नारायण दाहालले जानकारी दिए ।
जसमा १२५ जनाको अल्ट्रासाउन्ड, ५५ जनाको ल्याब परीक्षण, ७७ जनाको ईसीजी गरिएको थियो । ९ जनाको दाँत खोलिएको थियो । बिरामीमध्ये २७ जनालाई शल्यक्रियाका लागि रेफर गरिएको छ ।
नेपाली कांग्रेसका सांसदसमेत रहेका डा. सुनील शर्माले सम्हालेपछि केएमसीले सामाजिक उत्तरदायित्वमा जोड दिँदै आएको छ । जसका कारण निःशुल्क स्वास्थ्य शिविर निरन्तर भइरहेको छ ।
