-
-
-
-
काठमाडौँ । नेकपा एमाले निकट युवा संघका कार्यकर्ता चढेको मोटरसाइकलमा दुर्गा प्रसाई नेतृत्वको समूहले आक्रमण गरेको छ । बल्खुमा उक्त समूहले मोटरसाइकलमा ढुंगा प्रहार गरेको हो ।
प्रसाई समूहले तीनकुने आउन लागेको मोटरसाइकल र्यालीमाथि ढुंगा प्रहार गरेपछि केही बेर दुवै पक्षबीच हानाहान भएको थियो ।
दुर्गा प्रसाईं समर्थकको जुलुस कालीमाटीबाट बल्खुतर्फ आउँदै थियो । प्रसाई समूहको जुलुस विभिन्न ८ ठाउँबाट आएर बल्खुमा भेला भएको छ ।
अहिले भने बल्खुको स्थिति सामान्य बनेको छ । केहीबेर तनावग्रस्त बनेको स्थितिलाई प्रहरीले नियन्त्रणमा लिएको हो ।
युवा संघको विरोध सभा भने तीनकुनेमा चलिरहेको छ ।
उक्त दुई कार्यक्रमका लागि करिब सात हजार सुरक्षाकर्मी परिचालन गरिएको छ ।
