गाजामा तत्काल युद्धविराम गर्न इजिप्टका राष्ट्रपतिको जोड
हाम्रा कुरा
प्रकाशित २०८० मंसिर ४ सोमबार
1.4k
Shares
काठमाडौँ । इजिप्टका राष्ट्रपति अब्देलफत्ताह अलसीसीले गाजामा तत्काल युद्ध विरामको आवश्यकता र प्यालेस्टाइनीहरूलाई राहत सहायता पुर्याउने विषयमा आफ्नो देशको अडानलाई जोड दिएका छन् ।
युरोपेली आयोगका अध्यक्ष उर्सुला भोन डर लेयनसँग कायरोमा भएको भेटमा उनले यस्तो बताएका हुन् ।
बैठक गाजा विरुद्ध इजरायल युद्धको पछिल्लो घटनाक्रममा केन्द्रित थियो । जहाँ अल–सिसीले इजिप्टको सम्बन्धित प्रयासहरूको समीक्षा गरेका थिए ।
इजिप्टका राष्ट्रपतिले प्यालेस्टिनीहरूको अधिकार सुनिश्चित गर्न संयुक्त राष्ट्र सुरक्षा परिषद् र संयुक्त राष्ट्र सङ्घको महासभाको प्रस्तावलाई अन्तर्राष्ट्रिय समुदायले कार्यान्वयन गर्नुपर्ने आवश्यकतामा जोड दिए ।
यसबाहेक, दुवै पक्षले प्यालेस्टाइन समस्याको एक मात्र समाधान दुई–राज्य समाधानमा आधारित व्यापक र न्यायपूर्ण शान्तिमा निहित रहेकोमा सहमति जनाएका छन् ।
