-
-
-
-
विराटनग । कोशी प्रदेश सरकारका मुख्यमन्त्री केदार कार्कीले आगामी कात्तिक १ गते बुधबार विश्वासको मत लिने भएका छन् । संविधानको धारा १६८ को उपधारा ५ बमोजिम नियुक्त मुख्यमन्त्री कार्कीले धारा १६८ को उपधारा ४ बमोजिम विश्वासको मत लिन प्रदेश सभामा प्रस्ताव दर्ता गराएको प्रदेश सभा सचिव गोपालप्रसाद पराजुलीले जानकारी दिए ।
मुख्यमन्त्रीमा नियुक्त भएको ३० दिनभित्र विश्वासको मत लिनुपर्ने व्यवस्था भए पनि कार्कीले मुख्यमन्त्रीमा नियुक्त भएको चौथो दिनमै विश्वासको मत लिन लागेका हुन् ।
कार्की असोज २७ गते शनिबार मुख्यमन्त्री पदमा नियुक्त भएका थिए । उनले असोज २८ गते आइतबार पद तथा गोपनीयताको शपथ लिएका थिए ।
राजनीतिक समीकरण बदलिएकाले पनि ढुक्कसँग काम गर्नका लागि उनले जतिसक्यो छिटो विश्वासको मत लिन लागेका हुन् ।
