लक्की मारवत : पाकिस्तानको लक्की मारवातको तित्तरखेलमा इन्टरनेट सेवा पुनः स्थापनाको माग गर्दै मङ्गलवार युवाहरूको समूहले प्रदर्शन गरेको छ।
र्याली सिन्धु राजमार्गको बन्नु–डेरा इस्माइल खान खण्डमा प्लेकार्ड बोकेर नारा लगाएर निकालिएको थियो। उनीहरूमा स्थानीय निकायका सदस्यहरू पनि सहभागी थिए। र्यालीमा सहभागीहरूले इन्टरनेट सेवा बन्द हुँदा यहाँका बासिन्दा, विशेष गरी युवा तथा व्यवसायीलाई समस्या भएको बताए।
'इन्टरनेट बन्द हुँदा नियमित र अनलाइन व्यापार दुवै प्रभावित भएको छ, जबकि विद्यार्थीहरूले शैक्षिक संस्थाहरूमा भर्नाका लागि अनलाइन आवेदन दिन सक्दैनन्,' एक प्रदर्शनकारीले भने।
यसैबीच बेलायतस्थित परोपकारी संस्था अन्सार फाउन्डेसनले सराई गामिला सहरका एक सयभन्दा बढी परिवारलाई खाद्यान्न वितरण गरेको छ। नौरङ तहसील काउन्सिलका अध्यक्ष हाजी अजिजुल्लाह खानले गरिब र योग्य परिवारलाई 'रासन प्याकेज' दिएका हुन्।
सो अवसरमा फाउन्डेसनका देशीय निर्देशक किफयातुल्लाह, जिल्ला जकात समितिका पूर्व अध्यक्ष मौलाना असदुल्लाह र अल–खिदमत फाउन्डेसनका जिल्ला अध्यक्ष इरफानुल्लाह पनि उपस्थित थिए।
किफयातुल्लाहले दक्षिणी जिल्लामा हजारौँ परिवारलाई खाद्यान्न उपलब्ध गराइएको बताए। फाउन्डेसनले यस क्षेत्रमा मस्जिद र विधवा घर निर्माणका साथै २५ वटा खानेपानी योजनाको पनि शुभारम्भ गरेको उनले बताए।
