arrow

साताको कारोबारको अन्तिम दिन घट्यो शेयर बजार 

logo
हाम्रा कुरा
प्रकाशित २०८० असोज १८ बिहिबार
nepse-stock-share-up-bull-market.jpg

काठमाडौँ । शेयर बजारमा निराशाको तस्बिर देखिएको छ । बजार सुधारका लागि नियामकले कुनै पनि कदम नचालेपछि लगानीकर्ता निराश भएका छन् ।

साताको कारोबारको अन्तिम दिन बिहीबार नेप्से सूचक ११.०४ विन्दुले घटेर १९५६.९२ अंकमा आएको छ । १ अर्ब १० करोड रुपैयाँभन्दा बढीको शेयर कारोबार भएको छ । म्युचुअल फन्डबाहेक बाँकी सबै समूह घटेका छन् । 

क्रेताहरु निष्कृय बस्दा बजारको ओरालो यात्रा जारी रहेको हो । शेयर बजार सुधारका लागि तत्काल नीतिगत सुधार आवश्यक रहेको जानकारहरुले बताएका छन् । 

लगानीकर्ताले १२ करोडको क्याप हटाउन, १५० प्रतिशतको जोखिम भार १०० प्रतिशतमा झार्न अनि ब्याजदर घटाउने टुल्स प्रयोग गर्न माग गर्दै आएका छन् । तर यी ३ मध्ये अहिलेसम्म एउटा पनि समस्या समाधान गरिएको छैन । 

सरकार र नियामक निकायका पदाधिकारी चुपचाप बस्दा बजार दबाबमा परेको हो । लगानीकर्ताले भने बजार पुँजीकरणका आधारमा हेर्दा करिब १४ खर्ब रुपैयाँ गुमाइ सकेका छन् । यसअघि ४४ खर्ब हाराहारीमा पुगेको बजार पूँजीकरण अहिले ३० खर्ब नजिक झरिसकेको छ । 

यस दिन २८० कम्पनीको ३५ लाख ६२ हजारभन्दा बढी कित्ता शेयर कारोबार भएको छ । ४ करोड ४३ लाख रुपैयाँसहित कारोबार रकममा सिटिजन लाइफ इन्सुरेन्स अग्रस्थानमा रहेको छ । 

यसैगरी, दोस्रो र तेस्रो स्थानमा क्रमशः नबिल बैंक र सोल्टी होटेल परेका छन् ।



लोकप्रिय समाचार
लोकप्रिय समाचार
नयाँ