यी हुन् रोयल्टी र ग्रामीण दूरसञ्चार विकास कोषको रकम नतिर्ने ४८ इन्टरनेट कम्पनी
हाम्रा कुरा
प्रकाशित २०८० साउन २५ बिहिबार
1.2k
Shares
तस्बिर – फाइल ।
काठमाडौँ । नेपाल दूरसञ्चार प्राधिकरणले रोयल्टी रकम तथा ग्रामीण दूरसञ्चार विकास कोषको रकम नतिर्ने कम्पनीको नामावली सार्वजनिक गरेको छ । सूचना जारी गर्दै प्राधिकरणले ४८ इन्टरनेट कम्पनीको नामावली सार्वजनिक गरेको हो ।
प्राधिकरणले नियमानुसार सरकार तथा प्राधिकरणलाई बुझाउनु पर्ने बक्यौता रकम यही साउन मसान्तभित्र सेवा प्रदायकको नाम र आर्थिक वर्षसमेत स्पष्ट खुल्ने गरी तोकिएको बैङ्क खातामा थप दस्तुरसहित बुझाउन पनि भनेको छ ।
प्राधिकरणबाट अनुमतिपत्र प्राप्त सेवा प्रदायकहरूले दूरसञ्चार सेवा सञ्चालन गरेबापत दूरसञ्चार ऐन, २०५३ बमोजिम प्रत्येक आर्थिक वर्षमा कूल आम्दानीको ४ प्रतिशतले हुन आउने रोयल्टी र २ प्रतिशतले हुन आउने ग्रामीण दूरसञ्चार विकास कोष बापतको रकम पुस मसान्तभित्र कोषमा अनिवार्य जम्मा गर्नुपर्ने कानूनी व्यवस्था छ ।
