नेपाली विहारमाथिको हस्तक्षेप भन्दै प्रदर्शन [फोटोफिचर]
हाम्रा कुरा
प्रकाशित २०८० साउन १२ शुक्रबार
1k
Shares
काठमाडौँ । अमेरिकाको न्यूयोर्कस्थित रूबिन म्युजियमको सहभागीतामा काठमाडौँको इतुंबहाः मा संग्रहालय खोल्न लागेपछि आज सम्पदा अभियानकर्मी एवं स्थानीयले असन चोकमा विरोध प्रदर्शन गरेका छन् ।
‘नेपालको पहिलो विहार संग्रहालय’ भनेर खोल्न लागेको यो संग्रहालयलाई नेपाली विहारमाथिको विदेशी हस्तक्षेप मान्दै उनीहरूले विरोध गरेका हुन् ।
नेपालबाट चोरी गरेर अमेरिका पुर्याइएका नेपालका पुरातत्त्व र पहिचानका मूर्तिदेखि अन्य सामग्रीहरु न्यूयोर्कस्थित रुबिन म्युजियम अफ आर्टले आफ्नो संग्रहालयमा राखिसकेको छ । रुबिनले संग्रह गरेको सामग्री चोरिएका सम्पदा भएकाले पनि यसको छवि पहिल्यै बिग्रेको अभियन्ता गणपतिलाल श्रेष्ठ बताउँछन् ।
नेपालबाट चोरी गरेर अमेरिका पुर्याइएका नेपालका पुरातत्त्व र पहिचानका मूर्ति तथा अन्य सम्पदाका सामग्रीहरु न्यूयोर्कस्थित रुबिन म्युजियम अफ आर्टले आफ्नो संग्रहालयमा राखेपछि त्यसको विरोधमा आज असन चोकमा प्रदर्शन भएको छ ।
रुबिन म्युजियमले अझै थप सामग्री नेपालबाट किनेर लैजाने तयारीसमेत गरेपछि त्यसविरुद्धसमेत प्रदर्शन गरिएको हो ।
