भानु जयन्तीमा उपत्यकाव्यापी अन्तर विद्यालय कविता प्रतियोगिता
हाम्रा कुरा
प्रकाशित २०८० असार ३१ आइतबार
2.4k
Shares
काठमाडौं । राष्ट्रिय विभूति आदिकवि भानुभक्त आचार्य २१०औँ जन्म जयन्तीको अवसरमा उपत्यकाव्यापी अन्तर विद्यालय कविता प्रतियोगिता सम्पन्न गरिएको छ ।
नेपाल मानव धर्म सेवा समितिले भानु जयन्तीको अवसरमा शनिबार सम्पन्न उपत्यकाव्यापी कविता प्रतियोगितामा हिन्दु विद्यपिठ नेपालकी कृष्टिना देवकोटा प्रथम भएकी छन् ।
कक्षा ९ मा अध्यायरत कृष्टिनाले 'राष्ट्र' नामक कविता वाचन गरेर प्रथम भएकी हुन् ।
प्रतियोगितामा एकता जेम्स इङ्ग्लिस सेकेन्डरी स्कुलका कृतिश त्रिपाठी दृतीय भए । उनको 'हाम्रो देश हाम्रो गौरव' कविता शीर्षक रहेको थियो ।
त्यस्तै तृतीय स्थानमा कान्तिपुर इग्लीस हाइ स्कुलकी प्रतिस्मा बस्नेत भइन् । उनको 'मेरो देश' कविता शीर्षक ।
सान्त्वना पुरस्कार भने कमल नेत्र झुनामुना स्कुलकी सुस्मित अधिकारीलाई प्रदान गरिएको थियो । उनले 'गरिबको वेदना' शीर्षकको कविता वाचन गरेकी थिइन् ।
विजेतालाई मानव धर्म सेवा समितिकी केन्द्र प्रमुख महात्मा चमेली बाइजी र बाग्मती प्रमुख लता बाइजीले पुरस्कार प्रदान गरेका थिए ।
कविता प्रतियोगितामा उपत्यका भित्रका विभिन्न विद्यालयका विद्यार्थीहरुले भाग लिएका थिए ।
