पोखरा । संस्कृतिकर्मी एवं सामाजिक अभियान्ता सुनिल उलकले विद्यार्थीहरुलाई आर्थिक सहयोग गरेका छन् ।
पोखरा महानगरपालिका वडा नं. ५ स्थित बाराही माविमा अध्ययनरत तीन विद्यार्थीलाई उनले जनही पाँच हजार रुपैयाँका दरले आर्थिक सहयोग गरेका हुन् ।
जेहेन्दार विद्यार्थी स्वरुप सहयोग प्राप्त गर्ने विद्यार्थीमा कक्षा ९ की स्नेहा गुरुङ, कक्षा १० का अभिषेक चौधरी र शिशिर अधिकारी रहेका छन् ।
सो अवसरमा उलकले आफूले विगतमा पनि सहयोग गरेको र आगामी वर्षमा पनि सहयोग जारी राख्ने प्रतिवद्धता जनाए ।
उनले अध्ययन बिना संसार अन्धकार जस्तो हुने भन्दै विद्यार्थीहरुलाई लगनशील भएर अध्ययन गर्न र आफ्नो भविष्य उज्वल बनाउन आग्रह गरे । उलकले २०३८ सालमा बाराही माविबाटै एसएलसी उत्तीर्ण गरेका थिए ।
सो अवसरमा पोखरा-५ का वडा सदस्य एवं विद्यालय व्यवस्थापन समितिका सदस्य मणिराम बरालले विद्यालयलाई शैक्षिक सामाग्रीसमेत हस्तान्तरण गरेका थिए ।
कार्यक्रममा विद्यालयका प्रधानाध्यापक शिवप्रसाद भण्डारीले स्वागत र सहायक प्रधानाध्यापक तुलसीप्रसाद भण्डारीले कार्यक्रम सञ्चालन गरेको विद्यालयका लेखाप्रमुख सच्चिन भट्टराईले जानकारी दिए ।
