- सुन चाँदी दर
- विनिमय दर
- नेपाली पात्रो
- राशिफल
काठमाडौं । साताको पहिलो कारोबार दिन आइतबार शेयर बजारमा उकालो लागेको छ । नेप्से परिसूचकमा आज १७.२६ अंक वृद्धि हुँदा शेयर बजार २०४६.२९ विन्दुमा पुगेको छ । आज ०.८८ प्रतिशतले शेयर बजार बढेको हो ।
साथै, २६१ कम्पनीको कारोबारमा एक करोड ८ लाख ८० हजार ९०४ कित्ता शेयर किनबेच हुँदा चार अर्ब चार करोडभन्दा बढीको शेयर कारोबार भएको छ ।
आज नबिल बैंकको सर्वाधिक शेयर कारोबार भएको छ । यस कम्पनीको २२ करोडभन्दा बढीको शेयर बिक्री भएको छ । नेपाल दूरसञ्चार कम्पनीको १९ करोडभन्दा बढीको शेयर बिक्री भएको छ ।
सृजनशील लघुवित्तको शेयर मूल्य १० प्रतिशतले वृद्धि भएको छ । साथै खप्तड लघुवित्त, धौलागिरि लघुवित्तको ९।९९ प्रतिशत र अजोड बिमा प्रभु बिमाको ९.९८ प्रतिशतले मूल्य वृद्धि भएको छ।
कुल १२१ कम्पनीको सेयर उकलो लागेको छ भने ८७ कम्पनीको मूल्य ओरालो लागेको छ । जम्मा चार कम्पनी स्थिर रहेका छन् ।
आज विकास बैंक र फाइनान्सबाहेक सबै उपसूचकमा हरियाली छाएको छ ।