-
-
-
-
काठमाडौं । पछिल्लो २४ घण्टामा देशभर थप ६२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १ हजार ६२० नमूना परीक्षण गरिँदा ६२ नमूनामा संक्रमण पुष्टि भएको हो ।
पीसीआर विधिबाट एक हजार ८ र एन्टीजेनबाट ६१२ जनाको नमुना परीक्षण गरिएको थियो । पीसीआरबाट ५१ र एन्टिजेन बाट ११ जनामा संक्रमण पुष्टि भएको हो । यसले पछिल्लो २४ घण्टाको संक्रमणदर ३.८२ लगभग ४ प्रतिशत पुगेको देखाएको छ ।
यसअघि मंगलबारसम्म १ प्रतिशतको हाराहारीमा संक्रमण दर रहेको थियो भने गत साताअघि संक्रमण दर एक प्रतिशत भन्दा कम रहेको थियो ।
पछिल्लो २४ घण्टामा १९ जना कोभिड१९बाट मुक्त भएका छन् । यससँगै देशभर सक्रिय संक्रमितको संख्या १६१ पुगेको छ ।
