विश्व योग दिवसमा मानव धर्मको देशव्यापी शिविर (तस्बिर)
हाम्रा कुरा
प्रकाशित २०७९ असार ७ मंगलबार
1k
Shares
काठमाडौं । विश्व योग दिवसको अवसरमा नेपाल मानव धर्म सेवा समितिले देशव्यापी योग साधना शिविर सञ्चालन गरेको छ ।
मानवताका लागि योग भन्ने मूल नाराका साथ काठमाडौं, धुलाबारी, इटहरी, कोशी, वीरगन्ज, हेटौँडा, पोखरा, सिन्धुली, बुटवल, कावासोती, नेपालगन्ज, अत्तरिया, महेन्द्रनगर शाखामा शिविर सञ्चालन गरिएको हो ।
समितिको केन्द्रीय कार्यालय गौशालामा भने युवाहरूको उल्लेख्य सहभागिता रहेको थियो । पतञ्जलि योगपिठ नेपालको सहकार्यमा आयोजित कार्यक्रममा योग प्रशिक्षक अशोक आलेले योगका विधि सिकाएका थिए ।
शिविरमा केन्द्र प्रमुख महात्मा चमेली वाईजीले मानव जीवन सन्तुलित, व्यवस्थित र सुन्दर बनाउन योग साधना अनिवार्य रहेको बताइन् ।
समितिले प्रत्येक वर्ष अन्तर्राष्ट्रिय योग दिवस मनाउनुका साथै साप्ताहिक रूपमा विविध साधना शिविरहरू गरी वैदिक सनातन परम्परालाई निरन्तरता दिँदै आइरहेको छ ।
साथै विभिन्न सामाजिक गतिविधिहरूमा समितिको युवा स्वयम् सेवकहरूको अग्रणी भूमिका रहँदै आएको छ ।
