-
-
-
-
स्याङ्जा । गए राति स्याङ्जाको बिरुवा गाउँपालिकामा जीप दुर्घटना भएको छ । ग १ ज ५९३९ नम्बरको जीप दुर्घटनामा बिरुवा गाउँपालिका ३ का जीप चालक र सहचालकको मृत्यु भएको हो । बेलुका अन्दाजी साढे ८ बजे जीप दुर्घटना भएको अनुमान गरिएको छ ।
बिहान घाँस काट्न जाने महिलाहरुले देखेपछि प्रहरीलाई खबर भएको बताइएको छ । गाँउपालिकाको चर्तीडाडा भन्ने भीरबाट झण्डै ७ सय मिटर तल जीप खसेको प्रहरीले जनाएको छ ।
जीप चालक गाउँपालिका ३ का २६ वर्षीय बेलबहादुर थापा र सोही ठाउँका ३२ वर्षीय भेषबहादुर थापाको मृत्यु भएको अवस्थामा फेला परेको जिल्ला प्रहरी कार्यालय स्याङ्जाका सुचना अधिकारी प्रहरी नायव उपरिक्षक राजेन्द्र अधिकारीले जानकारी दिए ।
जीप दुर्घटनाको बारेमा घटनास्थलमा प्रहरी पुगेकाले थप बिवरण आउन बाँकी रहेको उनले बताए ।
