सांसद शर्माको केएमसीको स्वास्थ्य टोली हुम्लामा, सत्र सय बिरामीको निःशुल्क उपचार [फोटोफिचर]

हाम्रा कुरा

प्रकाशित २०८१ वैशाख १९ बुधबार

काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले हुम्लामा निःशुल्क स्वास्थ्य शिविर आयोजना गरेको छ ।

गमगढी गाउँपालिकाको आयोजनामा गाउँपालिकाको स्वास्थ्यचौकीमा भएको निःशुल्क स्वास्थ्य शिविरमा १७ सय बिरामीको निःशुल्क उपचार गरिएको केएमसीका महाप्रबन्धक नारायणप्रसाद दाहालले जानकारी दिए ।

बिरामीमध्ये १०९ जनाको ईसीजी, २०७ जनाको ल्याब परीक्षण र १११ जनाको भिडियो एक्सरे गरिएको थियो ।

१०४ जनाको दाँत खोलिएको थियो भने ८९ जनाको ईको गरिएको थियो । ११० बिरामीलाई शल्यक्रियाका लागि रेफर गरिएको छ । उनीहरुको निःशुल्क शल्यक्रिया गरिने सांसद शर्माले बताए ।

गमगढी गाउँपालिकिाका अध्यक्ष थानबहादुर रोकायाको सभापतित्वमा भएको कार्यक्रममा सांसद शर्मा, समाजसेवी सुवास पोख्रेल, कांग्रेस जिल्ला सभापति जनक शाही, संविधान सभा पूर्व सदस्य रीता शाही र केएमसीका महाप्रबन्धक दाहालले सम्बोधन गरेका थिए ।

डा. शर्माले सम्हालेपछि केएमसीले सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।