इलाम । इलाम क्षेत्र नं २ मा नेकपा एमालेलाई भेट्टाउन नेपाली कांग्रेसलाई मुस्किल हुने देखिएको छ ।
उपनिर्वाचनको जारी मतगणनामा एमाले कांग्रेसभन्दा ३ हजार ७ सय ५४ मतले अगाडि रहेका छ ।
निर्वाचन आयोगको पछिल्लो मतपरिणाम अनुसार एमालेका उम्मेदवार सुहाङ नेम्वाङले ११ हजार ७८ मत ल्याएका छन् ।
कांग्रेसका उम्मेदवार डम्बरबहादुर खड्काले ७ हजार ३ सय २४ मत प्राप्त गरेका छन् ।
यसअघि एमालेसँग प्रतिस्पर्धा गरिरहेको कांग्रेसको प्रतिस्पर्धा यसवर्ष पहिचान पक्षधर मुढासँग हुने देखिएको छ ।
ठुला दलको पछि पहिचान पक्षधर उम्मेदवार डकेन्द्रसिंह लिम्बू रहेका छन् ।
फाकफोकथुम, चुलाचुली र माङसेबुङका वडा गणना हुदा स्वतन्त्र उम्मेदवार थेगिम तेस्रो स्थानमा छन् ।
हालसम्म मुढा चुनाव चिन्हमा ६ हजार ९ सय १ मत खसेको छ ।
माङ्सेबुङ गाउँपालिका–५ को भने अप्रत्यासित मतपरिणाम आएको छ । पहिचानवादी स्वतन्त्र उम्मेदवारले एक हजार ३२ मत ल्याउँदा ठूला दल एमाले र कांग्रेसले ६९ मत कटाएनन् । रास्वपाले तीन मत पायो ।
सो वडामा एमालेका नेम्वाङले ६९ र कांग्रेसका खड्काले ४९ मतमात्र प्राप्त गरेपछि यो नजिता आएको हो ।
सो वडामा किरात धर्मगुरू आत्मानन्द लिङ्देन बसोबास गर्दै आएका छन् ।
२७ हजार ६ सय १४ सदर मत गणना हुँदा कांग्रेस मुढाभन्दा ४२३ मतले अगाडि रहेको छ ।
यसअघि १६ सय बढी मतले पछि रहेको मुढा अहिले कांग्रेससँग ४२३ मतले पछि रहेको छ ।
साथै चौथोमा रहेको राष्ट्रिय स्वतन्त्र पार्टीका मिलनकुमार योङहाङ लिम्बूले एक हजार ५ सय १२ मत प्राप्त गरेका छन् ।
